Bjössi súpermódel svaramaður í stjörnubrúðkaupi

„Já það er rétt. Ég er að fara að ganga í það heilaga 18. október," svarar Ingibjörg Reynisdóttir leikkona sem fer með eitt aðalhlutverkið í sjónvarpsþáttaröðinni Svörtum englum þegar Vísir spyr hvort hún sé um það bil að ganga í heilagt hjónaband.

„Ég er alveg í ruglinu. Er búin að bjóða 240 manns og það er enginn búinn að afboða sig enn. Við sendum heldur óhefðbundið boðskort þar sem við vorum þvílíkir pönkarar, búið að fótósjoppa myndina eins og hún væri máluð, alveg svarthvít fyrir utan eldrauðan varalit," segir Ingibjörg.

„Ég hugsa að fólk haldi að þetta verði eitthvað voða partý, kannski út frá útliti kortsins, halda jafnvel að þetta sé þemað og ætlar sko aldeilis ekki að missa af neinu. Læt það ekki uppi hér hvort kjóllinn sé svartur leddari eða hvítur hefðbundinn, það kemur í ljós."

Er rétt að Björn Sveinbjörnsson framkvæmdastjóri tískuhússins NTC sé svaramaður verðandi eiginmanns þíns? „Já það er rétt. Bjössi verður svaramaðurinn hans Óskars. Þeir eru æskuvinir og þar sem faðir Óskars er fallinn frá er það vel við hæfi."

„Vona að ég taki rétta gaurinn upp að altarinu," segir Ingibjörg að lokum og skellihlær.