Christina Applegate greindist með brjóstakrabba

Leikkonan geðprúða Christina Applegate hefur greinst með krabbamein í brjósti. Þetta kemur fram í tilkynningu sem fjölmiðlafulltrúi hennar sendu tveimur sjónvarpsstöðvum í gær.

„Christina Applegate greindist með krabbamein á byrjunarstigi. Meinið fannst með segulómskoðun og er ekki talið lífshættulegt. Christina er nú í meðferð sem læknar hennar mældu með og er það ekki talið lífshættulegt," segir meðal annars í tilkynningu frá fjölmiðlafulltrúa hennar.

Applegate hefur unnið Emmy og Golden Globe verðlaun fyrir aðalhlutverk í gamanþáttunum "Samantha Who?"