Cahill missir af fyrstu leikjum Everton

Miðjumaðurinn Tim Cahill mun missa af fyrstu leikjum Everton á leiktíðinni þar sem hann er enn að jafna sig eftir ristarbrot. Sömu sögu er að segja af framherjanum James Vaughan, en hann verður ekki klár þegar flautað verður til leiks í næsta mánuði.

David Moyes knattspyrnustjóri Everton getur þó huggað sig við þau tíðindi að leikstjórnandinn Mikel Arteta er á góðum batavegi eftir magauppskurð og er farinn að æfa á fullu. Hann verður í leikmannahóp Everton sem leikur æfingaleik við Cambridge á laugardaginn.