Gilberto farinn til Panathinaikos

Arsenal hefur staðfest að Gilberto Silva sé kominn til Panathinaikos. Gilberto missti sæti sitt til Mathieu Flamini á síðasta tímabili.

Þrátt fyrir að Flamini hafi farið til AC Milan þá gat Wenger ekki lofað Gilberto byrjunarliðssæti. Þá ákvað leikmaðurinn að skoða aðra kosti og flaug til Grikklands fyrr í þessari viku til viðræðna við Panathinaikos.

Hann hefur nú skrifað undir þriggja ára samning við félagið. Þessar fréttir koma sólarhring eftir að Alexander Hleb gekk til liðs við Barcelona.