Fundur forseta Íslands og Palestínu hafinn

Fundur Ólafs Ragnars Grímssonar, forseta Íslands, og Mahmoud Abbas, forseta Palestínu, hófst fyrir nokkrum mínútum á Bessastöðum.

Með forsetunum á fundinum sitja ýmsir ráðgjafar þeirra, þar á meðal Saeb Erekat sem er aðalsamningamaður Palstínumanna á alþjóðlegum vettvangi. Mikill fjödli íslenskra og palestínskra öryggisvarða er á staðnum og þá sáust að minnsta kosti tveir sérsveitarbílar á leið á staðinn.

Búist er við að fundur forsetanna standi í um hálftíma og í kjölfar hans svara forsetarnir spurningum blaðamanna. Abbas og fylgdarmenn hans snæða svo hádegisverð með forseta Íslands en eftir hádegið fundar Abbas með Ingibjörgu Sólrúnu Gísladóttur utanríkisráðherra í Ráðherrabústaðnum.