Angelina að farast úr afbrýðisemi

Leikarinn Brad Pitt er staddur án Angelinu Jolie í Berlin. Þar vinnur hann við upptökur á nýjustu kvikmynd Quentins Tarantino, Inglorious Bastards.

Samkvæmt Star tímaritinu hefur Angelina miklar áhyggjur af Brad því hann hefur tengst tilfinningalega mótleikkonu sinni Diane Kruger.

Í tímaritinu Star er því einnig haldið fram að leikkonan Diane Kruger er sjúk í Brad Pitt og vilji meira en nokkuð annað stunda kynlíf með leikaranum.

Angelina Jolie, sem fæddi tvíbura 12. júní síðastliðinn, sagði nýverið að hún hafi aldrei gert áætlanir um að eignast börn fyrr en hún kynntist Brad sem fékk hana til að skipta um skoðun.