Ríkið beri ekki ábyrgð á skuldbindingum Tryggingasjóðs

Í skýrslunni eru gerðar athugasemdir við ýmis atriði bókhalds og fjárreiðna hjá hinu opinbera og bent á að flestar þessara athugasemda hafi áður birst í skýrslum stofnunarinnar. Í tilkynningu frá Ríkisendurskoðun segir að 55 prósent fjárlagaliða í A-hluta ríkissjóðs hafi verið með afgang en 15 prósent liðanna voru með halla umfram fjögur prósent af fjárheimild ársins 2007.

„Ríkisendurskoðun hefur margsinnis hvatt stjórnvöld til að taka á hallarekstri stofnana í samræmi við ákvæði fjárreiðulaga og reglugerðar um framkvæmd fjárlaga. Einnig hefur stofnunin lagt til að skýrar reglur verði settar um meðferð ónýttra fjárheimilda. Að auki voru gerðar ýmsar aðrar athugasemdir, t.d. við nokkrar stofnanir sem fjármögnuðu hallarekstur með yfirdrætti á bankareikningi en slíkt er óheimilt. Þá telur Ríkisendurskoðun að skýrari reglur vanti um ýmis bókhaldsatriði, m.a. um staðfestingar reikninga og skýringar á fylgiskjölum," segir í tilkynningunni.