Sveppi og Auddi fagna afmæli Eiðs Smára í Barcelona

Sjónvarpsstjörnurnar Sveppi og Auddi eru þessa dagana staddir í Barcelona til að fagna afmæli Eiðs Smára Guðjohnsen vinar síns. Hann varð þrítugur á mánudaginn og augljóst er að kappinn ætlar að njóta tímamótanna til hins fyllsta. Morgunblaðið greindi frá því á föstudag að Eiður hefði blásið til afmælisveislu á tuttugustu hæðinni í Turninum í Kópavogi á miðvikudagskvöld. Þar hafi Nýdönsk og Bubbi Morthens, meðal annarra, skemmt veislugestum, en veislustjórn verið í höndum Sveppa.