Hillary sigraði í bæði Ohio og Texas

5. mars 2008 06:14

Hillary Clinton sigraði í bæði Ohio og Texas í forkosningunum þar í nótt. Þar með er ljóst að baráttu hennar og Barak Obama er hvergi nærri lokið

Mikil spenna var í alla nótt meðan á talningu stóð í Ohio og Texas. Að lokum stóð Hillary uppi sem sigurvegari í Ohio og nú fyrir nokkrum mínútum lýsti CNN fréttastöðin því yfir að Hillary hefði einnig sigraði í Texas en mjög mjótt var á muninum milli þeirra í því ríki. Í Vermont vann Obama öruggan sigur en Hillary sigraði á Rhode Island.

Hillary var að vonum glöð þegar úrslitin lágu fyrir í Ohio enda var pólitískur ferill hennar í stórhættu hefði hún tapað þeim kosningum. Hún sagði stuðningsmönnum sínum að hún myndi halda baráttu sinni áfram og hlakkaði til að takast á við Barak Obama á komandi vikum. Obama huggar sig við það að hann hefur enn örlitla forystu á Clinton á landsvísu.

Hvað Repúblikana varðar sigarði John McCain stórt í öllum ríkjunum fjórum sem kosið var í og er nú kominn með nógu marga kjörmenn til að vera frambjóðandi flokks síns. Mike Huckabee lýsti yfir ósigri sínum og jafnframt því að hann styður nú McCain í baráttu hans. Búist er við að George Bush lýsi einnig yfir stuðningi við Mccain í dag.

Tengdar fréttir

Obama dregur verulega á Clinton í Ohio

Nú þegar aðeins vika er til forkosninga Demókrata í ríkinu Ohio sýnir ný skoðannakönnun að Barak Obama hefur dregið verulega á Hillary Clinton.

27. febrúar 2008 07:16

Clinton og Obama þræta í Texas

Hillary Clinton sakaði í gær keppinaut sinn Barack Obama um pólitískan ritstuld í beinni sjónvarpsútsendingu. Obama gerði lítið úr ásökuninni og sagðist standa fyrir öruggum breytingum, aðferð Clinton væri hluti af „bjánalegum“ stjórnmálaslag.

22. febrúar 2008 10:07

Obama hvetur Hillary til að gefast upp

Líkur eru á að úrslitin í forkosningunum fyrir forsetakosningarnar í Bandaríkjunum muni ráðast í dag. Kosið er í fjórum ríkjum en allra augu beinast að Texas og Ohio.

4. mars 2008 06:56

Nýs forseta bíða miklar áskoranir í utanríkismálum

Næsti forseti Bandaríkjanna mun standa frammi fyrir mun meiri áskorunum í utanríkismálum en núverandi forseti þegar hann tók við embætti. Möguleikinn á fyrsta kvenforsetanum, eða svarta forsetanum hefur beint sjónum manna að demókrataflokknum. Sérstaklega þegar tekið er tillit til óánægju á alþjóðavettvangi með utanríkisstefnu Bush sem þykir hafa orsakað sundrungu og sundurlyndi.

28. febrúar 2008 10:55

Auglýsingastríð Clinton og Obama

Barack Obama og Hillary Clinton berjast nú um atkvæði í Texas og Ohio nokkrum dögum fyrir forkosningar í ríkjunum sem gætu skipt sköpum fyrir Clinton. Bæði framboð Obama og Bill Clinton hafa lýst því yfir að Hillary verði að ná góðum árangri í ríkjunum á þriðjudag ef hún á að halda áfram baráttu fyrir tilnefningu Demókrata.

1. mars 2008 20:06

Clinton líkir Obama við Bush

Hillary Clinton hefur síðustu daga hert árásir sínar á Barack Obama í þeirri von að vinna til sín fylgi í prófkjörunum á þriðjudag í næstu viku. Clinton má ekki lengur við því að tapa fyrir Obama í þeim fáu fjölmennu ríkjum sem enn á eftir að kjósa í, því þá væri nokkuð víst að Obama færi með sigur af hólmi í baráttu Demókrataflokksins um það hvort þeirra verður forsetaefni í kosningunum í haust.

27. febrúar 2008 03:00