Lagt til að Sævar Ciesielski fái ríkisborgararétt

Sævar Marinó Ciesielski er í hópi 24 mann sem allsherjarnefnd Alþingis leggur til að verði veittur íslenskur ríkisborgararéttur á yfirstandandi vorþingi.

Sævar er þjóðþekktur enda hlaut hann þyngstan dóm í svokölluðu Geirfinnsmáli, en hann sat alls í fimm ár í gæsluvarðhaldi vegna þess. Sævar er fæddur á Íslandi og það á einnig við um nokkra þeirra sem lagt er til að fái íslenskan ríkisborgararétt. Meðal annarra sem mælt er með eru Venesúelabúi, Afgani, Bandaríkjamaður og Serbar.

Alls bárust allsherjarnefnd 53 umsóknir um ríkisborgararétt á þessu vorþingi en samkvæmt lögum um ríkisborgararétt getur Alþingi veitt ríkisborgararétt.