Björgvin: Staða sparisjóða verður betri

Björgvin G. Sigurðsson, viðskiptaráðherra, segir að markmiðið með frumvarpi um lagaumhverfi sparisjóða sé að bæta stöðu sparisjóðanna gagnvart öðrum fjármálafyrirtækjum. Verði frumvarpið að lögum tekur það gildi 1. október næst komandi. Þetta kom fram í kvöldfréttum Ríkisútvarpsins.

Verði frumvarpið að lög mun það að sjálfsögðu ekki breyta uppkomnum rekstrarvanda tiltekina sjóða, að sögn Björgvins. Vandinn er að hans mati tilkominn út af falli hlutabréfa og fjárfestingarstefnu viðkomandi sjóða.

Þónokkrir sparisjóðir hafa átt erfitt uppdráttar undanfarið og hefur sumum þeirra verið breytt í hlutafélög eða sameinaðir. Aðrir hafa lent í hremmingum op er Sparisjóður Mýrarsýslu nýjasta dæmið.

Í frumvarpinu er lagt til að samfélagssjóðir eigi að lágmarki 15-20% í sparisjóðum.