Lögregla varar við umferðartöfum á laugardag

Lögreglan á höfuðborgarsvæðinu minnir á að tveir stórir atburðir eru helgina, Reykjavíkurmaraþon og Menningarnótt. Búast má við miklum mannfjölda í miðbæ Reykjavíkur af þessu tilefni.

Lögreglan, Slökkvilið höfuðborgarsvæðisins og Landsbjörg verða með aðstöðu í Ingólfsstræti og Sölvhólsgötu við húsakynni menntamálaráðuneytisins og hægt að leita þangað ef aðstoðar er þörf. Þar verður einnig athvarf fyrir týnd börn.

Þá verða að líkindum tafir á umferð bæði vegna lokunar gatna og vegna mikillar umferðar um kvöldið. Umferðarljós á Sæbraut, Hringbraut, Miklubraut og Bústaðavegi verða tímabundið tekin úr sambandi þegar formlegri dagskrá Menningarnætur lýkur um klukkan 23:30.

Umferð mun á meðan stjórnað af lögreglu þar sem þess verður þörf. Þá verður vinstri beygja af Bústaðavegi ( í vesturátt) inn á Kringlumýrarbraut til suðurs bönnuð tímabundið en það er gert til að liðka fyrir umferð um Bústaðaveg frá miðborginni. Ökumönnum er bent á aka Litluhlíð, Hamrahlíð og út á Kringlumýrarbraut.