Ríflega hundrað sagt upp hjá Kaupþingi

Forsvarsmenn Kaupþings eru byrjaðir að tilkynna því fólki sem ekki fær vinnu áfram um uppsagnir. Að sögn Friðberts Traustasonar framkvæmdarstjóra samtaka starfsmanna fjármálafyrirtækja er um ríflega 100 manns að ræða.

Hann segir einnig að útibú bankans muni halda áfram að mestu óbreytt með nokkrum undantekningum þó.

Þessir 100 starfsmenn Kaupþings bætast í hóp þeirra rúmlega 300 sem sagt var upp hjá Landsbankanum og rúmlega 100 sem sagt var upp hjá Glitni. Það þýðir að 500 bankamenn hafa misst vinnunni á síðustu vikum.

Hjá Landsbankanum störfuðu um 1550 manns en hjá Kaupþing um 1100.