Nakin mamma Britney - myndband

Eins og meðfylgjandi myndir sýna, sinnir Britney Spears drengjunum sínum tveimur, Sean Preston og Jayden James.

Söngkonan var mynduð með börnunum í leikfangaverslun í Hollywood þegar þeir völdu sér hrekkjavökubúninga.

Burtséð frá uppeldinu hafa viðbrögð við nýju myndbandi við lag hennar Womanizer sem útleggjast mætti á íslensku sem Flagarinn verið mikil.

Eftir því sem erlendir miðlar greina frá var horft á myndbandið sjö milljón sinnum á Netinu á aðeins tveimur sólarhringum.

Ekki liggur þó fyrir hvort hafi meiri áhrif, söngur Britney eða myndbandið af henni nakinni þar sem hún syngur lagið í gufubaði.

Sjá myndbandið Womanizer hér.