Engin von um að rjúppnaskyttan sé á lífi

Mörg hundruð björgunarsveitarmenn og sjálfboðaliðar viðs vegar að á landinu hafa í vikunni leitað að Trausta Gunnarssyni sem týndist við rjúpnaveiðar á Skáldabúðaheiði þann 29. nóvember s.l.

Formlegri leit er nú hætt en áfram verður fylgst með aðstæðum og farið til leitar eftir því sem þær þykja gefa tilefni til. Að sögn lögreglu er engin von talin til þess að Trausti geti verið á lífi.

Hann lætur eftir sig eiginkonu og þrjú uppkomin börn. Aðstandendur hans vilja koma á framfæri þakklæti sínu til leitarmanna fyrir þeirra óeigingjörnu vinnu við erfiðar aðstæður.