Eldur í íbúðarhúsi í Stokkseyrarhrepp

Slökkvilið Brunavarna Árnessýslu var kallað út laus eftir klukkan 14:00 eftir að tilkynning barst til Neyðarlínunnar um að eldur væri laus í íbúðarhúsinu að Holti sem er í Stokkseyrarhrepp.

Er slökkvilið kom á vettvang var eldur enn laus á neðstu hæð hússins.

Fljótlega gekk að ráða niðurlögum eldsins en fjórir reykkafarar fóru inn i húsið og slökktu eldinn og tryggðu að enginn væri í húsinu. Talsverðar skemmdir eru vegna brunans þar sem hann kom upp auk reykskemmda í öllu húsinu. Eldsupptök eru ókunn.

Þetta kemur fram á heimsíðu Brunavarna Árnessýslu. Hana er að finna á hinu skemmtilega léni babubabu.is