Heimamaður í haldi grunaður um íkveikju á Hvanneyri

Einn maður er í haldi lögreglunnar í Borgarnesi vegna bruna í íbúðarhúsi á Hvanneyri í nótt. Grunur leikur á að um íkveikju sé að ræða en sá sem er í haldinu er heimamaður að sögn yfirlögregluþjóns í Borgarnesi.

„Það er einn í haldi þar sem við erum að yfirheyra vitni, það kemur síðan að honum í restina," segir yfirlögregluþjónninn en búið er að taka skýrslur af 5-7 aðilum nú þegar.

Fólkið sem yfirheyrt hefur verið er einnig frá Hvanneyri, eða af torfunni, eins og yfirlögregluþjónninn orðar það.

Hann gerir ráð fyrir að skýrslutökum ljúki á næstu tveimur til þremur tímum.