Jóna Kristín verður bæjarstjóri

Jóna Kristín Þorvaldsdóttir, oddviti Samfylkingarinnar, verður bæjarstjóri í Grindavík í nýjum meirihluta Samfylkingar- og Framsóknarflokks. Þetta staðfestir Hallgrímur Bogason, bæjarfulltrúi Framsóknarflokksins.

"Jú, ég get staðfest að við erum að fara í meirihlutasamstarf með Samfylkingunni," segir Hallgrímur Bogason, bæjarfulltrúi Framsóknarflokksins, sem er nú staddur í Serbíu. Spurður hver verði bæjarstjóri í hinum nýja meirihluta svarar Hallgrímur:

"Það eru allar líkur á að Jóna Kristín verði bæjarstjóri."

Hallgrímur segist hæstánægður með hið breytta landslag í bæjarpólitíkinni í Grindavík. "Ég er mjög ánægður með niðurstöðuna. Það er ekki langt á milli skoðana þessara flokka og því mjög auðvelt fyrir okkur að fara í samstarf."

Hann segir að fyrri meirihlutinn hafi fallið vegna langvarandi óánægja. Það hafi alltaf verið langt á milli þeirra og samstarfið gengið erfiðlega.

"Ætli þetta verði ekki allt tilkynnt formlega á morgunn," sagði bæjarfulltrúinn káti í sólinni í Serbíu og bætti við: "Yndislegt land og yndislegur dagur" - enda ekki á hverjum degi sem meirihlutar springa.