Með yfir 110 þúsund krónur í endaþarmi

Héraðsdómur Norðurlands vestra hefur dæmt karlmann í fjögurra mánaða skilorðsbundið fangelsi fyrir tvö þjófnaðarbrot fyrr á þessu ári. Þau áttu sér stað á Sauðárkróki.

Maðurinn var ákærður fyrir að stela Frelsis-símakorttum fyrir GSM-síma fyrir að andvirði 360 þúsund krónur í verslun á Sauðarárkróki en þar starfaði hann við ræstingar. Þá stal hann yfir 110 þúsund krónum í reiðufé af heimili í bænum en lögregla fann peningana í endaþarmi mannsins við líkamsleit. Maðurinn játaði brotin fyrir dómi og tekið var tillit til þess við ákvörðun refsingar.