Innlent

Umferðarþungi stendur í stað milli ára

MYND/Anton Brink

Umferðarþungi í Reykjavík eykst ekki milli ára ólíkt því sem tíðkast hefur undanfarin ár. Þetta kemur fram í tilkynningu frá Reykjavíkurborg og má lesa um í tölum Bjargar Helgadóttur sem hefur umsjón með umferðarmælingunum og hefur borið saman annatíma í umferðinni sumarið 2008 og sumarið 2007.

Farið er að gæta þess að fólk keyrir ekki eins mikið. Aukning er ekki eins mikil á milli ára eins og vanalega, heldur dregur aðeins úr umferð eða hún stendur í stað á milli ára.

Umferð eykst vegna upphafs skólaársins

Umferð hefur hins vegar þyngst verulega í Reykjavík í þessari viku enda eru skólarnir byrjaðir. Umferðarmælingar Umhverfis- og samgöngusviðs sýna greinlega aukningu bifreiða á helstu umferðargötum borgarinnar.

14. ágúst fóru til dæmis um sextíu þúsund bílar um Kringlumýrarbraut en þann 21. ágúst um 65 þúsund.

Helstu tölur:

Ártúnsbrekka - 15. ágúst= 93.589 bílar

Ártúnsbrekka - 21. ágúst= 96.087 bílar

Kringlumýrarbraut - 14. ágúst= 59.426 bílar

Kringlumýrarbraut - 21. ágúst= 64.934 bílar

Sæbraut - 14. ágúst= 25.894 bílar

Sæbraut - 21. ágúst= 25.626 bílar

Umhverfis- og samgönguráð Reykjavíkurborgar vill af þeim sökum hvetja borgarbúa til að ætla sér góðan tíma í morgunumferðinni og fara varlega. Ráðið hvetur vegfarendur til að skoða kosti hagkvæmra heilsusamlegra og vistvænna ferðamáta, eins og að ganga, hjóla eða fara með strætó í vinnu og skóla, og hvetur sérstaklega foreldra ungra barna til þess að ganga með börnum sínum í skólann.





Mest lesið


Fleiri fréttir

Sjá meira


×

Mest lesið