Sjálfsafgreiðsla í Krónunni

Nú þurfa menn ekki lengur að bíða í löngum biðröðum eftir afgreiðslu, alla vega í verslun Krónunnar á Bíldshöfða, þar sem menn afgreiða sig sjálfir.

Það er eflaust fátt leiðinlegra en að bíða í löngum röðum. Stjórnendur krónunnar bjóða nú viðskiptavinum sínum að sleppa við lengri raðir og afgreiða sig sjálfir.

Eins og sést á myndinni rennir viðsiptavinurinn sjálfur vörum sínum í gegn um kerfið og þegar því líkur sér hann sjálfur um að renna greiðslukortinu í posann. Ef borgað er með peningum þarf hins vegar aðstoðar kassastjóra sem einn sér um fjóra kassa og að allt gangi smurt fyrir sig.

Kerfi þetta þekkist víða í Evrópu og í Bandaríkjunum og segir Eysteinn Helgason framkvæmdastjóri Krónunnar að þó svo kassastjórar verði alltaf til staðar, sé þetta kerfi komið til að vera enda viðbrögðin til þessa verið góð.

Eysteinn leggur þó mikla áherslu á að þetta þýði ekki fækkun starfsfólks.