Læsti sig inni á klósetti með haglabyssu

Sérsveit Ríkislögreglustjóra var kölluð að húsi í Reykjanesbæ nú í kvöld. Þar hafði 36 ára gamall karlmaður læst sig inni á klósetti með haglabyssu. Heimilisfólkið flúði og lögregla var kölluð til.

Í tilvikum sem þessum er sérsveitin kölluð til og tókst þeim fljótlega að yfirbuga manninn eftir að þeir fóru inn í húsið. Þá kom hann sjálfviljugur útaf klósettinu og var yfirbugaður í kjölfarið. Hann hleypti engu skoti af og greiðlega gekk að tryggja vettvang og yfirbuga hann.