Bifhjólamenn sluppu með skrekkinn

Karl á þrítugsaldri slapp með skrekkinn þegar hann missti stjórn á bifhjóli sínu í Árbænum síðdegis í gær. Maðurinn féll í götuna en hann virðist hafa sloppið með skrámur.

Þess má geta að bifhjólakappinn var vel útbúinn í leðurgalla og með hjálm en hjálmurinn brotnaði við byltuna. Hjólið er hinsvegar trúlega mikið skemmt. Annar bifhjólakappi, karl á fertugsaldri, komst líka í hann krappann í Hafnarfirði í gær. Sá ók hjóli sínu á húsvegg en slapp ótrúlega vel og eru meiðsli hans að öllum líkindum minniháttar.

Ekki er ljóst með afdrif hjólsins en óhappið má rekja til bilunar í bremsum.