Skipuð forstöðumaður Verðlagsstofu skiptaverðs

Einar Kristinn Guðfinnsson sjávarútvegs- og landbúnaðarráðherra hefur skipað Guðrúnu Arndísi Jónsdóttur forstöðumann Verðlagsstofu skiptaverðs frá 1. apríl 2008 til næstu fimm ára.

Fram kemur í tilkynningu frá ráðuneytinu að Guðrún Arndís sé með M.Sc próf í viðskiptafræði frá Bifröst en hún hefur 14 ára starfsreynslu úr sjávarútvegi og hefur verið aðstoðarmaður framkvæmdastjóra útgerðarsviðs Samherja frá 1996.

Hlutverk Verðlagsstofu skiptaverðs er meðal annars að fylgjast með fiskverði og uppgjöri á aflahlut sjómanna og stuðla að réttu og eðlilegu uppgjöri á aflahlut þeirra. Birting upplýsinga um fiskverð er mikilvægur þáttur í starfsemi stofunnar.