Enski boltinn

Kuyt: Torres verður betri

Elvar Geir Magnússon skrifar
Torres kom frá Atletico Madrid fyrir síðasta tímabil.
Torres kom frá Atletico Madrid fyrir síðasta tímabil.

Dirk Kuyt varar varnarmenn úrvalsdeildarinnar við því að liðsfélagi hans, Fernando Torres, verði enn betri á næsta tímabili. Torres átti magnað fyrsta tímabil á Englandi og skoraði 33 mörk í öllum keppnum.

Hann náði síðan að fylgja því eftir með því að spila vel á Evrópumótinu og skora sigurmark Spánar í úrslitaleiknum gegn Þýskalandi. Kuyt býst við að Torres skori enn fleiri mörk á komandi tímabili.

„Það er satt. Ég held að hann verði jafnvel enn betri þetta tímabilið. Hann er aðeins 24 ára og er enn að bæta sig. Fernando veit vel hve erfið enska úrvalsdeildin getur verið en hann gerði frábæra hluti á síðasta tímabili," sagði Kuyt.

„Það eina sem hann þarf að hafa áhyggjur af er að leikmenn þekkja hann betur núna. En hann býr yfir það miklum gæðum að það verður alltaf erfitt að spila gegn honum. Hann veit það sjálfur og varnarmenn vita það - þeir munu óttast hann. Ef hann helst heill getur hann gert betur en síðast."
Enski boltinn

Mest lesið


Fleiri fréttir

Sjá meira


×

Mest lesið