Þórunn: Álver á Bakka í umhverfismat

Umhverfisráðherra hefur ákveðið að heildstætt mat skuli fara fram á umhverfisáhrifum vegna fyrirhugaðs álvers á Bakka við Húsavík. Skipulagsstofnun hafði ákveðið að slíkt sameiginlegt mat skyldi ekki fara fram.

Landvernd krafðist þess í apríl að ráðherra felldi ákvörðun Skipulagsstofnunar úr gildi en þá hafnaði ráðherra kröfunni á þeirri forsendu að matsferlið væri of langt komið.

Í dag sneri ráðherra hins vegar við blaðinu - nú skal meta umhverfisáhrif á öllu svæðinu í einu, það er að segja álverið á Bakka, Þeistareykjavirkjun, Kröfluvirkjun II og háspennulína frá Kröflu og Þeistareykjum til Húsavíkur.