Sigurður Kári vill meiri einkavæðingu

Sigurður Kári Kristjánsson, þingmaður Sjálfstæðisflokksins, kallar eftir frekari einkavæðingu ríkisfyrirtækja í nýlegum pistli á vefsíðu sinni. Hann bendir á að síðan að ríkisstjórn Sjálfstæðisflokks og Samfylkingar tók við völdum hafi ekkert ríkisfyrirtæki verið einkavætt.

Sem dæmi nefnir Sigurður Flugstöð Leifs Eiríkssonar, Áfengis- og tókbaksverslun ríkisins, Íslandspóst og Ríkisútvarpið sem hann telur þörf á að einkavæða.

Sigurður segir skynsamlegt að úthýsa verkefnum sem nú eru í höndum ríkisstofna til einkaaðila. Ýmist með það að markmiði að leggja stofnanirnar niður eða til þess að draga úr umsvifum þeirra. Hann nefnir sem dæmi hluta af starfsemi Íbúðalánasjóðs, Ríkisendurskoðunar og Embætti ríkislögmanns.

Pistil Sigurðar Kára er hægt að sjá hér.