Jennifer Aniston lætur frysta egg úr sér

Jennifer Aniston ætlar ekki að láta elli kerlingu stjórna því hvenær hún eignast börn.

Leikkonan, sem er 39 ára, hefur að sögn heimildamanns Star tímaritsins látið frysta úr sér egg, til að geta frestað barneigum um nokkur ár, eða þangað til hún finnur hinn eina rétta.

Leitin að honum virðist ganga brösuglega, síðan Brad Pitt yfirgaf hana fyrir hina barnelsku Angelinu Jolie.

Einn helsti ásteytingarsteinninn í hjónabandi Aniston og Pitt var einmitt hve lítið henni lá á að eignast börn. Hann er nú að safna í fótboltalið með núverandi spúsu, sem mun vera ófrísk að tvíburum.