Eftirlýstur!

Saksóknari í Bandaríkjunum hefur fyrirskipað leikaranum Wesley Snipes að gefa sig fram til lögreglu hið snarasta. Einhver ágreiningur er um það hvort leikarinn megi ganga laus gegn tryggingu en hann á yfir höfði sér fangelsisdóm vegna skattalagabrota.

Snipes var fundinn sekur og dæmdur í þriggja ára fangelsi fyrir skömmu vegna brota á skattalögum um nokkurra ára skeið. Hann skuldar enn milljónir dollar.

„Við viljum fá hann í varðhald," sagði Steve Cole talsmaður saksóknarans. „Hann hefur verið fundinn sekur af kviðdómi og dæmdur í þriggja ára fangelsi og því ætti hann að vera í varðhaldi."

Ekki er langt síðan sást til leikarans hér á landi, en hann mun hafa komið við á Vegamótum og fengið sér nokkra bjóra fyrr í vetur að sögn Arons Pálma Ágústssonar.