Ákærður fyrir vörslu kókaíns

Í gær var þingfest ákæra í Héraðsdómi Reykjavíkur á hendur manni á þrítugsaldri sem gefið er að sök að hafa haft í vörslum sínum í söluskyni 30,88 grömm af kókaíni sem lögregla fann við leit.

Ákært er fyrir brot gegn lögum um ávana- og fíkniefni en það er að jafnaði gert þegar um minna magn af fíkniefnum er að ræða. Sé magnið töluvert meira en um ræðir í þessu máli er ákært fyrir brot gegn 173. grein almennra hegningarlaga en samkvæmt henni er heimilt að dæma hinn ákærða í allt að 12 ára fangelsi verði hann sekur fundinn.