Margrét S. Frímannsdóttir á Litla-Hraun

Margrét S. Frímannsdóttir, fyrrverandi alþingismaður, hefur verið sett forstöðumaður Fangelsisins Litla-Hrauni tímabundið frá 1. febrúar næstkomandi. Margrét er sett í embættið vegna leyfis Kristjáns Stefánssonar skipaðs forstöðumanns.

„Margrét var formaður nefndar sem vann að tillögum um framtíðarrekstur Fangelsisins Litla-Hrauni og lauk nefndin störfum í nóvember síðastliðnum," segir í tilkynningu frá dóms- og kirkjumálaráðuneytinu. „Hún hefur gegnt ráðgjafarstörfum við fangelsið að undanförnu til að hrinda í framkvæmd niðurstöðum nefndarinnar. Margrét er fyrst kvenna til að gegna starfi forstöðumanns við fangelsi á Íslandi."