Ný vefsíða fyrir íslensk heimili

„Þetta er vefur sem er miðjan fyrir þá sem eru að fara að versla eitthvað fyrir heimilið eða leita að einhverju sem tengist heimilinu," svarar Davið Lúter Sigurðarson eigandi Eignaland.is þegar Vísir spyr hann um nýja vefinn.

„Eignaland.is er miðjan á netinu í sambandi við heimilið því þar finnur þú til dæmis flestar fasteignasölur, húsgagnasölur og iðnaðarmenn. Þar má einnig finna hagnýt heimlisráð."

„Ég fékk þessa hugmynd þegar var sjálfur að leita að parketi og áttaði mig á því að það eru fjölda verslana með parket hér á landi," segir Davíð.

Hefur erfitt ástand á Íslandi áhrif á notkun vefsins? „Nei, ég er óhræddur því ég veit að fólk þarf alltaf að huga að heimilinu," segir Davíð og bætir við að gestir vefsins eiga möguleika á að vinna 32" flatskjá með því að skrá sig á póstlista vefsins.

Sjá nánar hér.