Furða sig á hvernig farið var með kaupréttarsamninga

ASÍ lýsir furðu sinni og hneykslan á því hvernig farið var með kaupréttarsamninga æðstu stjórnenda í bönkum og fjármálafyrirtækjum í aðdraganda þess að bankarnir féllu. Vísað er til fregna af skuldum vegna lána sem voru afskrifaðar hjá Kaupþingi.

Í ályktun frá miðstjórninni segir segir að sambandið hafi í mörg ár gagnrýnt fyrirkomulag kaupréttarsamninga og leggur ASÍ þunga áherslu á að þessi mál sem upp hafi komið síðustu daga verði rannsökuð ofan í kjölinn og hið sanna dregið fram í dagsljósið. Allt annað auki aðeins á þá þungu reiðiöldu sem kraumar nú í samfélaginu og sé ekki á bætandi.

Herða þarf regluverk banka og fjármálafyrirtækja gagnvart ráðgjöf til einstaklinga, auka eftirlit og heimildir eftirlitsaðila. Byggja þarf upp traust á Seðlabanka Íslands og stjórn hans. Í því sambandi er mikilvægt að tryggja fagmennsku í stjórn bankans og taka verður til gagngerar endurskoðunar hvernig staðið er að ráðningu bankastjóra," segir í álytktun miðstjórnarinnar.