Óskar veit ekki hvort Marsibil styður nýja meirihlutann

Óskar Bergsson, oddviti Framsóknarflokksins í borginni og væntanlegur formaður borgarráðs, sagði eftir fund sinn með Hönnu Birnu að hann ætti eftir að klára að ræða við varamann sinn Marsibil Sæmundardóttur um tíðindin í borginni.

Þegar Óskar var inntur eftir svörum við því hvort Marsibil væri með í ráðum sagðist hann hafa rætt við hana í dag og gert henni grein fyrir viðræðunum. Hann sagðist þó ekki hafa klárað samtal sitt við Marsibil en myndi hitta hana í fyrramálið. Þá gæti hann svarað því hvort hún styddi þennan nýja meirihluta.

Vísir hefur ítrekað reynt að ná í Marsibil í dag og í kvöld en án árangurs.