Árdegi fer fram á gjaldþrotaskipti

Árdegi hefur farið fram á gjaldþrotaskipti og verður krafa félagsins þar að lútandi tekin fyrir í Héraðsdómi Reykjavíkur um klukkan eitt í dag.

Eins og fram hefur komið í fréttum hefur félagið átt í erfiðleikum eftir að raftækjaverslanakeðjan Merlin í Danmörku, sem var í eigu Árdegis, fór fram á greiðslustöðvun. Félagið Eldbodan tók yfir verslanir Merlin í framhaldinu.

Stjórnendur Árdegis hafa síðan reynt að bjarga rekstrinum en fram kom á dögunum að einu af dótturfélögunum, raftækjaverslanakeðjunni, BT, hefði verið lokað. Þá keypti Sena, dótturfélag 365, verslanir Skífunnar af Árdegi nýverið. Meðal annarra dótturfélaga Árdegis eru fataverslanirnar NOA NOA og NEXT.