Gisli Marteinn las um brotthvarf Ólafar Guðnýjar í fjölmiðlum

Gísli Marteinn Baldursson, fulltrúi Sjálfstæðisflokksins í skipulagsráði Reykjavíkurborgar, las það fyrst í fjölmiðlum í morgun að til stæði að skipa nýjan fulltrúa í skipulagsráð í stað Ólafar Guðnýjar Valdimarsdóttur. „Ég vil ræða fyrst við Ólaf og aðra í meirihlutanum áður en ég fer að tjá mig um málið á opinberum vettvangi," sagði Gísli Marteinn þegar Vísir hafði samband við hann í morgun.

Greint var frá því í morgun að Ólafur F. Magnússon borgarstjóri hafi haft samband við Ólöfu Guðnýju, fulltrúa F lista í skipulagsráði, í gær og hann hafi tilkynnt henni að nýr fulltrúi yrði skipaður í skipulagsráð í hennar á næsta fundi borgarráðs. Ólöf Guðný segir ástæðuna vera þá að henni hafi ekki fundist tímabært að taka afstöðu með eða á móti verðlaunatillögu um byggingu Listaháskóla þegar fjölmiðlar leituðu eftir því. Ólafur hefur lýst sig andsnúinn tillögunni.