Vilja laða starfsfólk að leikskólum

Bæta á vinnuaðstöðu í leikskólum Kópavogs og auka greiðslur vegna kostnaðar í starfi kennarar samkvæmt nýrri aðgerðaráætlun sem kynnt var í gær. Markmiðið er að laða starfsfólk að leikskólum og auka fagþekkingu.

Það var leikskólanefnd Kópavogsbæjar sem vann að áætluninni en hún var samþykkt í bæjarráði Kópavogs á fimmtudaginn.

Samkvæmt henni er meðal annars gert ráð fyrir því að tækifæri starfsmanna til náms í leikskólafræðum verði aukin sem og faglegt öryggi. Þá verður boðið upp á námsstyrki og auknar greiðslur til starfsmanna vegna kostnaðar í starfi. Ennfremur verður erlendum starfsmönnum boðið upp á íslenskunámskeið á vegum bæjarins.

Um fjögur hundruð manns vinna nú á leikskólum Kópavogsbæjar en um þrjátíu stöðugildi eru enn ómönnuð.

Hólmfríður Sigmarsdóttir, fulltrúi leikstjóraskóla í leikskólanefnd Kópavogsbæjar, segist vera bjartsýn á að þessar aðgerðir muni skilar sér í árangri til lengri tíma litið. Ennfremur vonast hún til þess að þetta muni þýða að fleiri fagfólk muni koma inn í skólana á næstu árum.