Faðmlög á fimmtíu kall

Æskulýðsfélag Ísafjarðarkirkju beitti nýstárlegum fjáröflunaraðferðum á Ísafirði í gær. Félagsmenn seldu faðmlög í gær fyrir utan verslunarmiðstöðina Neista á Ísafirði á aðeins 50 krónur.

Það kemur sér án efa vel í kvótalægðinni fyrir vestan að fá faðmlag á fimmtíu kall. Vestfirðingar eru annars þekktir fyrir að vera dæmalaust hjartahlýir og ástleitnir en í Bolungarvík er fræg ástarvika sem er hvatningarhátíð til að fjölga Bolvíkingum.

Þar hljóta faðmlögin að hafa verið ókeypis, alla vega á ástarvikunni.