Rætt um kynferðisofbeldi gegn börnum

Kynferðislegt ofbeldi gegn börnum á Netinu er til umræðu á ráðstefnu Barnaheilla í Norræna húsinu í Reykjavík í dag. Þar er rætt hversu berskjölduð börn geti verið fyrir áreiti og ofbeldi á netinu og hvernig ný tækni sé notuð til að beita börn slíku ofbeldi.

Farið er yfir hvar íslenskt samfélag standi í þessum málum í alþjóðlegu samhengi. Sérfróðir fyrirlesarar, innlendir sem og erlendir, sitja ráðstefnuna og miðla þar af reynslu sinni og þekkingu. Þar á meðal eru fulltrúar frá Barnaheillum í Noregi og sérfræðingur í málum sem þessum frá sérsveit bresku lögreglunnar.