Innlent

Jafnréttisstofa efli hlut kvenna í sveitarstjórnum

Siv Friðleifsdóttir er meðal flutningsmanna tillögunnar.
Siv Friðleifsdóttir er meðal flutningsmanna tillögunnar. MYND/GVA

Þingmenn úr öllum flokkum á Alþingi hafa lagt fram tillögu til þingsályktunar um að félagsmálaráðherra feli Jafnréttisstofu að hrinda af stað aðgerðum til þess að efla hlut kvenna í sveitarstjórnum.

Í greinargerð með tillögunni er bent á að Jafnréttisstofa búi yfir mikilli þekkingu á stöðu kvenna í samfélaginu en að stofnunin þurfi aukið fé til að ráðast í slíkar aðgerðir. Bent er á að hlutur kvenna í sveitarstjórnum hafi verið um 36 prósent eftir sveitarstjórnarkosningar í fyrra og að hann hafi aukist mjög hægt. Sveitarstjórnarkosningar verði næst haldnar vorið 2010 en og þrátt fyrir umræðu og átaksverkefni sé ljóst að enn vanti töluvert upp á að hlutur kvenna geti talist eðlilegur.

Enn fremur er bent á að eftir síðustu alþingiskosningar hafi hlutfall kvenna á þingi verið tæp 32 prósent en það var 35 prósent kjörtímabilið 1999-2003. Brýnt sé að tryggja að ekki eigi sér stað hliðstætt bakslag varðandi hlut kvenna í næstu sveitarstjórnarkosningum.

Mest lesið


Fleiri fréttir

Sjá meira


×

Mest lesið