Blóðbankinn þarf meira blóð

Enn er þörf á blóðgjöfum Blóðbankann meðal annars vegna aðgerða, slysa og sjúkdóma. Fram kemur í tilkynningu frá Blóðbankanum að um 200 manns hafi í gær sinnt ákalli bankans um blóðgjöf en vegna mikillar notkunar á blóðhlutum síðustu daga sé enn meiri þörf á blóði.

Er það von forsvarsmanna Blóðbankans að blóðgjafar fjölmenni í Blóðbankann í dag en þá verður opið frá klukkan átta til nítján í kvöld. Enn fremur verður Blóðbankabíllinn við Fjarðarkaup í Hafnarfirði á milli klukkan 13 og 17. Áfram verður svo þörf á öflugum stuðningi blóðgjafa næstur vikurnar.