Britney fær að hitta börnin undir eftirliti

Réttur í Los Angeles úrskurðaði í gær að Britney Spears mætti heimsækja börnin sín tvö til Kevins Federline, fyrrverandi eiginmanns hennar, undir eftirliti. Þetta hefur AP fréttastofan eftir lögmanni Kevins, Mark Vincent Kaplan.

Búist var við að dómarinn myndi úrskurða nákvæmlega hvernig heimsóknartímunum ætti að vera háttað en það hafði hann enn ekki gert í lok gærdagsins. Federline var viðstaddur réttarhöldin í gær en ekki Spears. Réttarhöld í máli þeirra halda áfram þann 26. október næstkomandi.