Heildarafli dróst saman um þriðjung í september

Heildarafli íslenskra skipa í nýliðnum septembermánuði var um þriðjungi minni en í sama mánuði í fyrra miðað við fast verð.

Alls nam aflinn tæpum 45 þúsund tonnum í september síðastliðnum en hann var 87 þúsund tonn í sama mánuði í fyrra. Botnfiskafli dróst saman um 8.300 tonn milli ára og munar þar mest um þorskaflann sem dróst saman um sex þúsund tonn. Það má meðal annars rekja til niðurskurðar á þorskkvóta.

Þá dróst uppsjávarafli saman um 33 þúsund tonn frá september í fyrra og var 16 þúsund tonn í nýliðnum september en stærstu hluti hans var loðna. Tölur Hagstofunnar leiða enn fremur í ljós að fiskaflinn hefur dregist saman um tæp sex prósent það sem af er þessu ári miðað við sama tímabil í fyrra.