Biel íhugar fara úr öllum fötunum

Kærastan hans Justin Timberlake, hún Jessica Biel, íhugar nú hvort hún eigi að fara úr öllum fötunum fyrir kvikmyndahlutverk sem hún hefur tekið að sér. Hlutverkið er í myndinni Powder Blue. Í myndinni leikur Biel fatafellu en aðrir sem fara með hlutverk í myndinni eru þeir Forest Whitaker og Ray Liotta.

"Ég er ekki enn búinn að ákveða með nektina," sagði Biel aðspurð um málið. "Þetta er erfitt fyrir mig. Ég er ennþá að gera það upp við mig hvað sé best að gera. En ég er spéhrædd og líður ekki vel með þetta."

Leikstjóri myndarinnar ku leggja mikla pressu á Biel að afklæðast fyrir framan myndavélina. Hann segir að það sé mikilvægt til að gera karakter Biel trúverðuglegan. En vinir Biel óttast að leikstjórinn sé meira að hugsa um ódýra leið til að vekja athygli á myndinni.