Úrslitin ráðast í Leitinni

Nýjar sjónvarpsstjörnur koma í leitirnar í kvöld þegar sigurvegarar í skemmtiþættinum Leitin að Strákunum verða krýndir í æsispennandi úrslitaþætti í kvöld.

Þau voru 10 sem hófu þátttöku og freistuðu þess að komast alla leið í þessum séríslenska raunveruleikaþætti þar sem markmiðið var að uppgötva næstu sjónvarpsstjörnur Íslands. Sex eru nú horfnir af braut og eftir standa aðeins fjórir keppendur sem á morgun munu svo bítast um sigursætin þrjú.

Þau keppa til úrslita:

Sara Hrund Gunnlaugsdóttir 25 ára

Hallur Örn Guðjónsson 23 ára

Eiríkur Rósberg Eiríksson 28 ára

Jóhann Sævar Eggertsson 20 ára

Þau þrjú sem á endanum standa uppi sem sigurvegarar í Leitinni fá í sigurlaun sinn eigin sjónvarpsþátt á sjónvarpsstöðinni Sirkus, auk annarra smærri vinninga.

Í sérflokki

Með fullri virðingu fyrir öðrum keppendum þá má með sanni segja að Sara Hrund, Hallur Örn, Eiríkur og Jóhann Sævar hafi verið í sérflokki allt frá upphafi til enda keppninnar. Hallur og Jóhann unnu báðir Audda, Sveppa og Pétur á sitt band strax í áheyrnarprufunum með skrautlegu útliti, skemmtilegu fasi og einstaklega einlægri framkomu. Á hinn bóginn hafa þau Sara Hrund og Eiríkur unnið jafnt og þétt á - orðið öruggari í framkomu og lagað sig betur og betur að sjónvarpstökuvélunum.

Sorptæknir, Kínafari, Uppistandari og sálfræðingur

Bakgrunnur keppendanna fjögurra er býsna ólíkur. Hallur er 23 ára sorptæknir frá Akureyri. Jóhann Sævar er tvítugur ofurhugi sem ferðast hefur um Kína og nam þar m.a. þarlendar bardagalistir, Eiríkur er 28 ára og hefur getið sér nokkuð gott orð sem uppistandari og tekið þátt í keppninni um Fyndnasta mann Íslands. Sara Hrund er síðan í algjörum sérflokki. Ekki nóg með að hún sé eina stelpan í úrslitum heldur eru hún einnig hámenntuð, með gráðu í sálfræði þar sem hún hefur sérhæft sig í listaþerapíu og starfar á geðdeild Landsspítalans.