Dæmdur í fimm mánaða skilorðsbundið fangelsi

Karlmaður á þrítugsaldri var í Héraðsdómi Norðurlands vestra í dag dæmdur í fimm mánaða skilorðsbundið fangelsi fyrir líkamsárás. Maðurinn játaði brot sitt fyrir dómi en hann hefur fimm sinnum áður fengið dóm vegna annarra brota.

Fram kemur í dómsorði að maðurinn hafi í síðastliðnum maímánuði veist að dyraverði á skemmtistað á Sauðárkróki. Sló hann dyravörðinn þungi hnefahöggi í höfuðið með þeim afleiðingum að vörðurinn féll aftur fyrir sig og hlaut mar á höfði auk annarra eymsla á líkama.

Maðurinn játaði brot sitt fyrir dómi. Hann hefur fimm sinnum áður hlotið dóm vegna ýmissa afbrota. Þar á meðal brot gegn ávana- og fíkniefnalögum, vopnalögum, umferðarlögum og fyrir líkamsárás.