McCartney vill fullt forræði yfir dóttur sinni

Goðsögnin Paul McCartney hyggst sækja um fullt forræði yfir fjögurra ára dóttur sinni Beatrice eftir upphlaup fyrrverandi konu hans, Heather Mills, í sjónvarpi.

McCartney hefur þegar haft samband við lögmenn vegna málsins. "Paul óttast að Heather hafi tapað sér og þarfnist hjálpar. Hann hefur miklar áhyggjur," er haft eftir nánum vini McCartneys.

Vinurinn segir að ef lífi Heathers sé í hættu eins og hún fullyrði í fjölmiðlum þá gildi hið sama um dóttur þeirra. Því sé æskilegt að hún sé með föður sínum.