Franskir áhrifamenn votta Marceau virðingu sína

Eftir að franski látbragðsleikarinn Marcel Marceau lést á laugardag hafa franskir áhrifamenn keppst um að votta honum virðingu sína. Þar fer Nicolas Sarkozy Frakklandsforseti fremstur í flokki. Hann hefur lýst aðdáun sinn á listamanninum og segir hann hafa komið sviðslistinni á stig fullkomnunar.

Menningarmálaráðherrann Christine Albanel segir að hægt sé að nota nafn Marceau sem samheiti yfir látbragðsleik. Forsætisráðherrann Francois Fillon segir Marceau hafa haft sjaldgæfa hæfileika og að honum hafi tekist að ná til hvers og eins án þess að styðjast við nokkuð tungumál. „Hann talaði með þögninni," segir gagnrýnandinn Jacques Chancel

Marceaul, sem var frægastur fyrir að skapa trúðinn Bip, lést 84 ára að aldri umkringdur nánustu fjölskyldu sinni og verður jarðaður í Pere Lachaise kirkjugarðinum í hjarta Parísar.