Lífið

Britney í rusli eftir frammistöðuna á MTV-verðlaunahátíðinni

Britney vill líklega helst loka augunum og gleyma sunnudagskvöldinu síðastliðna
Britney vill líklega helst loka augunum og gleyma sunnudagskvöldinu síðastliðna MYND/Getty

Eftir að hafa flutt nýja lagið sitt Gimme more sem var opnunaratriðið á MTV-verðlaunahátíðinni á sunnudag fór Spears baksviðs og brotnaði niður. Hún hágrét enda gerði hún sér fulla grein fyrir því að hún hafi ekki staðið sig vel.

Heimildamaður People tímaritsins segir að Britney hafi verið mjög stressuð áður en hún steig á svið. "Það er langt síðan hún gerði eitthvað þessu líkt og hún hreinlega fraus. Á æfingum var hún virkilega góð svo þetta kom mikið á óvart. "

Með atriðinu ætlaði Britney að stimpla sig aftur inn í tónlistarbransann eftir langa fjarveru og mikinn vandræðagang og eðlilega hljóta það að vera vonbrigði að ekki hafi tekist betur til.

Gagnrýnendur hafa keppst um að úthúða söngkonunni fyrir slaka frammistöðu og meðal annars gert því skóna að betur hefði tekist til ef hún hefði munað eftir að klæða sig áður en hún steig á svið enda ekki sami kroppur og áður.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.