Fjórir hafa „Vel að verki staðið “ þetta árið

Forseti Íslands, Ólafur Ragnar Grímsson, afhenti fjórum aðilum viðurkenningu Alþjóðahúss í dag. Viðurkenningin, sem ber titilinn ,,Vel að verki staðið", er veitt fyrir lofsverða frammistöðu í málefnum innflytjenda á Íslandi.

Í dag fengu Ævar R. Kjartansson og Hjálmar Sveinsson þáttagerðarmenn á Rás eitt Ríkisútvarpsins, Luka Kostic knattspyrnumaður og Efling, stéttarfélag, viðurkenninguna.

Þetta var í fimmta skipti sem viðurkenningin er veitt, en í tilkynningu frá Alþjóðahúsi segir að hún þjóni þeim tilgangi að vekja athygli á jákvæðu starfi sem unnið er hér á landi í málefnum innflytjenda.